Seanca gjyqësore ndaj ish-ministrit të Brendshëm Saimir Tahiri është shtyrë sërish. Shkak është bërë mungesa e gjyqtarit të çështjes, Elton Frashëri.
Tahiri ka kërkuar ulje të dënimit me 1 vit e 6 muaj burg pasi pretendon se gjatë periudhës kur ai ka kryer shërbimin e provës ka shlyer 1.6 vjet nga dënimi që shqiptoi Gjykata e Apelit.
Kujtojmë se edhe seanca e 10 ditëve më parë u shty pasi prokurori i çështjes kërkoi më shumë kohë për t’u njohur me detajet e dosjes, që ka paraqitur pala mbrojtëse e ish-ministrit të Brendshëm Saimir Tahiri. Gjykata e Elbasanit pritet të caktojë datë e radhës për mbajtjen e seancës në ngarkim të ish-ministrit.
