I dërguari i SHBA-ve për Ballkanin Perëndimor, Gabriel Escobar ka zhvilluar këtë të hënë një takim online më gazetarët nga rajoni, ku pyetjet më të ‘nxehta’ kanë qenë ato në lidhje me marrëveshjen Kurti-Vuçiç, për të cilën u ra dakord në takimin e zhvilluar në Ohër.
Por, Escobar nuk mundi t’i shpëtojë edhe shprehjes së qëndrimit të SHBA-ve përsa i takon ecurisë së Shqipërisë në luftën kundër korrupsionit.
Escobar tha se Shqipëria duhet të bëjë më shumë progres sa i takon këtij problemi endemik, që përbën një sfidë të rëndësishme për vendin dhe aspiratat europiane të saj.
“Korrupsioni është sfida më e madhe për gjithë rajonin dhe dua të shikoj më shumë progres në rajon. Në Shqipëri ka pasur shumë progres për të gjetur mënyra për të dënuar korrupsionin. Dua që të shikoj më shumë intensifikim në këtë drejtim”, u shpreh ai.
Po ashtu Escobar është përgjigjur edhe pyetjes sa i takon rrugës së Shqipërisë drejt BE.
“Kjo marrëveshje ne fakt ka shume pune përpara, BE do vijoje te facilitojë procesin. Ne vendosem pikat si do procedohet. Implementimi duhet të fillojë menjëherë. Shumë shpejt do shpallim disa iniciativa për të dyja vendet, por edhe sa i takon integrimit”, tha Escobar.
