Joao Cancelo e ka humbur statusin e titullarit te Bayerni (pikërisht për këtë arsye u largua nga Manchestet City), për shkak të zgjedhjes së Nagelsmann për të luajtur me tre qendërmbrojtës dhe dy anësorë (preferon Coman), por trajneri i gjigantëve të Gjermanisë nuk ka humbur asnjë grimë besimi që krijoi që në fillim te portugezi.
Në fakt, “Sky Sports Germany” tregon se synimi i Bayernit vazhdon të jetë blerja e kartonit të lojtarit, por jo me klauzolën e parashikuar.
Një opsion blerjeje për 70 milionë euro ishte përfshirë në marrëveshjen e huazimit mes dy klubeve deri në fund të sezonit.
Kështu që Hasan Salihamidzic, drejtori sportiv i klubit bavarez, do të duhet të ulet dhe të negociojë.
Cancelo gjithashtu pajtohet me idenë për të qëndruar, por vendimi përfundimtar do të marrë kohë.
Barcelona, e cila është në kërkim të një mbrojtësi të djathtë, ka nisur të interesohet për situatën e Cancelos.
