Kreu i Partisë Demokratike, Sali Berisha ka denoncuar spastrimin e etnik që po i bëhet fshatrave nga politikat e qeverisë.
Në videon e postuar nga Berisha banorët janë shprehur se në fshat më parë jetonin rreth 85 familje ndërsa sot janë vetëm 4 prej tyre.
“Kemi qenë 85 familje tani jemi vetëm katër familje arsyeja e braktisjes është varfëria dhe emigrimi, fëmijët janë larguar për një jetë më të mirë. Fshati nuk po ndihmohet pasi bujqësia, blegtoria dhe pemëtaria nuk po subvencionohen nga shteti dhe çdo gjë ka falimentuar”-U shprehën banorët.
Postimi i Berishës:
“Dëshmi tronditëse për spastrimin etnik të Shqipërisë nga politikat e qëllimshme të Edi Ramës! Ju ftoj ta ndiqni sipas dëshirës! sb”, shkruan Berisha.
