Përfaqësuesi i lartë i Bashkimit Evropian për politikë të jashtme dhe siguri, Josep Borrell ka reaguar në Twitter pak para takimit Kurti-Vuçiç që do të ndërmjetësojë ditën e sotme.
Borrell shkruan se sytë e BE-së dhe Ballkanit Perëndimor janë në Ohër sot. Po ashtu, bën me dije se do të diskutohet aneksi i zbatimit të marrëveshjes për normalizimin e marrëdhënieve mes dy vendeve.
“Sytë e BE-së dhe Ballkanit Perëndimor janë në Ohër sot. Pas diplomacisë intensive ndërmjet Beogradit dhe Prishtinës do të diskutojmë me Aleksandër Vuçiç dhe Albin Kurtin aneksin e zbatimit, pjesë integrale e marrëveshjes për rrugën drejt normalizimit të marrëdhënieve”, shkruan ai.
The eyes of the EU & the Western Balkans are on Ohrid today.
After intense shuttle diplomacy between Belgrade and Pristina, we will discuss with @predsednikrs and @albinkurti the implementation annex – an integral part of the Agreement on the path to normalisation of relations. pic.twitter.com/Z8xJB7I75j
— Josep Borrell Fontelles (@JosepBorrellF) March 18, 2023
