Një 15-vjeçar shqiptar, identiteti i të cilit nuk bëhet i ditur, është sulmuar nga 3 persona mbrëmjen e djeshme në sheshin Karamalaki në Agios Panteleimonas të Athinës.
Mediat greke raportojnë se tre personat e panjohur kanë kërcënuar me thikë të miturin duke i kërkuar t’u jepte telefonin. Ndërsa 15-vjeçari ka reaguar ndaj tyre, ata e kanë goditur me thikë në kofshë.
Pas plagëve të marra, i mituri është dërguar me urgjencë në spitalin e fëmijëve ku edhe ka marrë ndihmën e parë.
I riu ndodhet në gjendje të mirë shëndetësore dhe ka dalë nga spitali.
