Pas Ligës së Kampionëve, në Nion të Zvicrës, shorti përcaktoi çiftet çerekfinale dhe gjysmëfinale të Europa League.
Manchester United do të përballet me Sevijan – ekipin që e ka fituar më shumë këtë kompeticion – plot gjashtë herë.
Italianët e Juventusit do të gjejnë në çerekfinale portugezët e Sportingut të Lisbonës.
Leverkusen do të përballet me belgët e Union Saint-Gilloise, që për herë të parë këtë sezon luajnë në Europa League.
Takimi tjetër rikthen finalen e sezonit të kaluar të Conference League, mes Romës dhe Feyenoordit në Tiranë, që përfundoi me triumfin e italianëve.
Për sfidat gjysmëfinale, goglat kanë projektuar një finale të parakohshme mes Juventusit dhe Manchestëer United. Gjithnjë nëse këto ekipe arrijnë të kalojnë kundërshtaret përkatës në fazën çerekfinale.
Gjysmëfinalja tjetër do të diskutohet mes fituesit të çiftit Leverkuren-Gilloise dhe Roma- Feyenoord.
Çerekfinalet do të luhen më 13 Prill takimet e para dhe më 20 Prill ato të kthimit.
Më 11 dhe 18 Maj do të luhen gjysmëfinalet.
Dy ekipet triumfatore deri në këtë fazë do të diskutojnë titullin në finalen e 31 Majit që do të luhet në “Puskas Arena” të Budapestit.
