Gjykata Ndërkombëtare Penale (e njohur si Gjykata e Hagës) ka lëshuar një urdhër arresti ndërkombëtar për presidentin rus Vladimir Putin, të cilin e akuzon për krime lufte.
Gjykata pretendon se ai është përgjegjës për krimet e luftës, ku përfshihet sulmi ushtrak për pushtimin e Ukrainës dhe dëbimi i paligjshëm i fëmijëve nga Ukraina prej Rusisë.
Në vendim nënvizohet se krimet janë kryer në Ukrainë të paktën nga 24 shkurti i vitit të shkuar, kur Rusia filloi pushtimin e saj në shkallë të plotë.
Ndërkohë, Moska ka mohuar akuzat për krime lufte gjatë pushtimit.
“Haga” thekson se Putin akuzohet për përfshirje në dëbimin e fëmijëve dhe thotë se ka arsye të arsyeshme për të besuar se ai i ka kryer aktet drejtpërdrejt, si dhe duke punuar me të tjerët.
Gjykata gjithashtu konstaton se udhëheqësi rus nuk arriti të ushtrojë të drejtat e tij për të ndaluar të tjerët që deportuan fëmijët.
Komisionerja ruse për të drejtat e fëmijëve, Maria Alekseyevna Lvova-Belova, është shpallur gjithashtu në kërkim nga GJykata e Hagës.
Pavarësisht urdhër-arrestit të lëshuar për Putin dhe zonjën Lvova-Belova, Gjykata e Hagës nuk ka kompetenca për të arrestuar të dyshuarit dhe mund të ushtrojë juridiksion vetëm brenda vendeve që kanë nënshkruar marrëveshjen që autorizoi krijimin e këtij instutcioni të drejtësisë.
Rusia nuk është nënshkruese e asaj marrëveshjeje, kështu që nuk ka gjasa që Putin as të ekstradohet drejt Holandës.
