Detaje të reja tronditëse kanë dalë në dritë, në lidhje me ngjarjen e rëndë të mesditës së sotme, ku një 4-vjeçar humbi jetën pasi u mbyt në kanalin që ushqen me ujë liqenin e Mursisë, në Sarandë.
Mësohet se ngjarja e rëndë ka ndodhur në momentin kur i mituri ishte në shoqërinë e babait Thanas Smaçi dhe nënës Shefikat Kushe, pranë kanalit ushqyes të liqenit.
Fëmija teksa po luante është larguar pa u vënë re nga prindërit që kishin shkuar të kujdeseshin për bletët e tyre, duke rënë në kanal.
Pasi prindërit kishin vënë re mungesën e tij, nisën kërkimet në liqen bashkë me banorë të zonës, ndërsa trupi i pajetë i vogëlushit u gjet rreth gjysmë ore më vonë.
Sipas bluzave të bardha fëmija ka shkuar në spital pa shenja jete, e megjithatë iu bë EKG për të parë nëse i kishte ndalur zemra apo jo.
4-vjeçari ishte fëmija i vetëm i familjes Smaçi, ndërsa nëna ishte 6 muajshe shtatzënë.
LEXO EDHE:
