Pep Guardiola kërkon t’u tregojë njerëzve se një njeri e fiton simpatinë për një klub apo skuadër, jo bazuar në sukseset e tij, por modelin dhe rrugën që ndjek për t’u bërë i tillë.
Në konferencën për shtyp, trajneri katalanas përdor një emër të njohur të kinematografisë për të ilustruar shembullin e tij.
“Unë jam humbës në Champions League. Tani do ju rrëfej një sekret. Çfarëdo gjë që të ndodhë këtë edicion, edhe sikur të fitojmë tre Champions rresht, unë do të jem një humbës. Në jetën time unë kam tre idhuj dhe ata janë, Michael Jordan, Tiger Woods dhe Julia Roberts. Për arsye të ndryshme ata e meritojnë këtë vend, Jordan, Woods ashtu si edhe Roberts. Vite më parë, Julia erdhi në Manchester por jo në vitet 80 me Alex Ferguson kur ai ende nuk kishte fituar asgjë dhe ne ishim më të fortë se United. Ajo shkoi të vizitonte skuadrën e Manchester United dhe nuk erdhi tek ne edhe pse ne ishim më të suksesshëm në atë kohë. Champions nuk do të jetë asnjëhertë mjaftueshëm për të nxitur një njeri si Julia Roberts të na takojë ne dhe jo Manchester United”, tha Guardiola për gazetarët pas fitores së City-t dje ndaj gjermanëve të Laipcing.
