Maroku njofton se i është bashkuar kandidaturës së Spanjës dhe Portugalisë për të organizuar Kupën e Botës së vitit 2030, duke bërë të paqartë rolin e Ukrainës, që fillimisht i ishte bashkuar dy shteteve iberike. Por pas pushtimit të vendit nga Rusia në shkurt të vitit 2022 janë ngritur shqetësime për mundësitë e vendit për të qenë pjesë e këtij projekti.
Maroku ishte një ndër skuadrat surprizë të Botërorit të vitit 2022, duke u bërë skuadra e parë afrikane që arrin në gjysmëfinale, ku u eliminua nga Franca e më pas mundi Kroacinë për të siguruar vendin e tretë në turne.
Maroku kishte kërkuar të organizonte edhe Botërorin e vitit 2010, por ai iu akordua Afrikës së Jugut. Për turneun e vitit 2030 kanë paraqitur kandidaturën e tyre edhe katër shtete nga Amerika e Jugut, Argjentina, Kili, Paraguai dhe Uruguai.
Vendimi përfundimtar për turneun e vitit 2030 do të merret nga Këshilli i FIFA-s në vitin 2024.
Botërori 2026 do të zhvillohet në Kanada, Shtetet e Bashkuara dhe Meksikë.
