Ndeshja e mbrëmshme mes Milwaukee Bucks dhe Sacramento Kings në NBA është mbyllur me fitoren e ekipit vendas me shifrat 133-124, falë një paraqitje të shkëlqyer te Gianis Antetokunmpo me 46 pikë,.
Por dueli mbi të gjitha do të kujtohet për një sherr që shpërtheu në fund të tij.
Trey Lyles i Sakramentos ndaloi me faull pikërisht basketbollistin grek dhe kjo solli reagimin e Brook Lopez ndaj tij. Dy lojtarët u kapën për fyti dhe nuk kursyen të shtyrat në një sherr ku u deshën lojtarë nga të dy skuadrat dhe gjyqtarët për t’i ndarë lojtarët.
Të dy më pas u përjashtuan nga loja, kur kishin mbetur pak më shumë se 14 sekonda nga fundi i ndeshjes.
https://twitter.com/i/status/1635498437616566274
Lopez ishte i tensionuar pasi pak minuta më parë kishte kërkuar ndihmën mjekësore nga stafi i skuadrës, sepse kishte marrë një goditje në vetull, duke pësuar një të çarë gjatë një dueli poshtë koshit.
https://twitter.com/i/status/1635494729826865152
