Ernest Muçi shkëlqeu në ndeshjen e djeshme të Legias së Varshavës kundër Stal Mielec.
Vetëm goli i mungoi sulmuesit tiranas për të vulosur formën e mirë që po kalon në kampionatin polak.
Ai ishte autor i asistit të dhënë në golin e parë të Legias, ku arriti të realizonte sulmuesi Pekhart.
Performanca pozitive e vazhdueshme është vlerësuar edhe në Poloni teksa 21-vjeçari është zgjedhur në formacionin më të mirë të javës.
Fillimet e Muçit ishin të vështira në kampionatin polak. Megjithatë tashmë ai duket se ka rigjetur atë formë që mbarte kur ishte pjesë e Tiranës në kryeqytet.
