Ish-miss Albania, Egla Harxhi, prej gushtit të vitit të kaluar, është zhvendosur për të jetuar në Paris.
“Vendosa së bashku me Aleksandrin që të jetonin në Paris, duke lënë kështu Shqipërinë.Këtu planet e mia profesionale janë zgjeruar dhe po punoj në një studio të madhe arkitekture, ku ndihem e realizuar plotësisht”, tha Egla.
Referuar natyrës kontroverse të saj, që u bë shumë e njohur mediatikisht, e pyetur nga moderatoja ajo tha:
“Unë nuk kam bërë zhurmë në media për t’a përdorur, pasi famën e kam patur më parë, për më tepër që më kanë ftuar dy herë në Big Brother dhe e kam refuzuar ftesën” tha më pas ish-miss Albania.
Në prill të vitit 2016, Egla takoi partnerin e saj të jetës, fotografin Alexandre de Basseville.Pjesë e marrëdhënies së tyre ishte dhe modelja shqiptare Alesia.
Asokohe Egla deklaroi se ata kishin një marrëdhënie treshe. Ky fakt u komentua gjerësisht në media dhe portalet e ndryshme. Në këtë kohë, Egla deklaroi dhe shtatzëninë e saj, duke thënë se fëmijën do ta rriste në një marrëdhënie të tillë. Por, gjithçka ndryshoi tërësisht me ardhjen në jetë të djalit të saj, Luxifer.
