Mes informacioneve që Kiara mori nga jashtë në Prime-in e së martës, ishte edhe një titull në lidhje me një deklaratë të motrës së Olta Gixharit, Gerta Gixhari.
Ajo kishte shprehur mendimin e saj për marrëdhënien Kiara-Luiz dhe për vijmësinë e saj jashtë, mendim i cili nuk i ka pëlqyer aspak Luizit.
Motra e Oltës i është përgjigjur deklaratës së Luizit, duke u shprehur: “Jemi mësuar tani që Luizi ka një natyrë që vetëm kërcënon dhe intimidon gjithmonë banorët që janë aty dhe e kemi parë tani që kërcënimet e tij nuk kanë asnjë lloj vlere.
Unë nuk jam trembur me burra më të fortë dhe më të pushtetshëm se sa Luizi. E para e punës, Luizi të blejë një shtëpi një herë të futi kokën që të zë dhe gruan. Unë i kam mbyllur këto gjëra.”
Ndërsa, gjatë debatit me Meridianin, Gerta Gixhari ka paralajmëruar padi për Luizin, pas daljes nga BBV në lidhje me kërcënimin ndaj saj dhe ajo tha se këngëtari mund të dënohet me burgim nga 6 muaj deri në 4 vjet.
