Ish-legjenda Bayern, Lothar Mateus, tha sot se klubi mund të triumfojë në Ligën e Kampionëve këtë sezon, por shtoi se Reali dhe Manchester City janë favoritët më të mëdhenj për ta fituar këtë kompeticion, raporton Bild.
Bayern ka arritur në çerekfinale të Ligës së Kampionëve, pasi eliminoi Paris Saint-Germain në fazën e 16-të të kompeticionit më të mirë evropian për klube:
“Nëse të gjithë lojtarët janë në formë, atëherë ky është ekipi më i mirë e Bayernit për sa i përket cilësisë së të gjitha kohërave. Bayern tani ka 20 lojtarë që garojnë për formacionin fillestar. Në kohën time ishin 13, më vonë 16, 17. Megjithatë, sot mund të bësh pesë ndryshime”, shpjegoi Mateus.
Ai vuri në dukje se drejtori sportiv i Bayernit, Hasan Salihamidzic, bashkoi një ekip prej “20 yjesh”.
“Rreth dy vjet më parë thashë se skuadra e Bayernit nuk ishte aq e ekuilibruar. Nuk mendoj se është për shkak të kritikave të mia, por duket se ka pasur ndryshime në strategjinë e klubit. Bayern ka qenë shumë aktiv në dy merkatot e fundit të transferimeve. Salihamidzic i meritonte të gjitha lavdërimet. Bayerni është i aftë të fitojë Ligën e Kampionëve, por favoritët më të mëdhenj janë Reali dhe Manchester City”, ka përfunduar Mateus.
