Një sasi lëndë plasëse ka shpërthyer gjatë natës në fshatin Ungrej, në Lezhë.
Blutë bëjnë me dije se shpërthimi ka ndodhur në oborrin e banesës së ish-kryeplakut të zonës, Preng Pjetri.
“Rreth orës 02:00, në fshatin Ungrej, në verandën e banesës së shtetasit P. P. 57 vjeç, ka shpërthyer lëndë plasëse, duke shkaktuar vetëm dëme materiale.
Shërbimet e Policisë po ushtrojnë kontrolle në terren dhe në ambiente të dyshuara, për gjetjen dhe arrestimin e autorit/ve”,– ka njoftuar policia.
Grupi hetimor nën drejtimin e Prokurorisë vazhdon veprimet hetimore për zbardhjen e rrethanave të ngjarjes, identifikimin dhe kapjen e autorit/re.
