Banorët e Bërxullës nuk tërhiqen dhe ditën e sotme kanë dalë në protestë për të kundërshtuars projektin e rrugës Thumanë – Kashar.
Ata janë shprehur se prej 5 muajsh po protestojnë dhe shteti nuk ka dëshirë që të zgjidhin këtë cështje. Ndaj ata kërkojnë që të negociojnë në mënyrë që situata të mos agravohet.
Ata njëzëri shprehen kundër vlerës së shpronësimit të dhënë për tokat dhe banesat e tyre, duke e cilësuar si qesharake. Në një prononcim për mediat një prej banorëve parashtroi 3 kërkesat e tyre për qeverisë, vlerën e pronës, të projektit dhe se si do të bëhet nënkalimi.
“Shteti nuk po i jep zgjidhje halleve ton. Vlera e pronës nuk është e përcaktuar vetëm thonë duhet zbatuar vendimi i mëparshëm. Falënderojmë kryetarin e bashkisë se ka kërkuar të zgjidhë problemin e banorëve.
Firma është afruar të negociojë dhe nën shumë presion ka vendosur të bëjë mbikalime dhe nënkalime, sipas terrenit. E vetmja zgjidhje që nuk po arrijmë është lera e pronës. Tre kërkesat tona ishin vlera e pronës, vlera e banesave dhe nënkalimet e mbikalimet.
Preken rreth 30 hektarë tokë, ndërkohë që këto banorë më këto toka mbajnë familjet e shkollojnë fëmijët. 165 ditë që flemë me ankth e stres. Do nisim aktet ekstreme, nëse nuk i jepet shpejt zgjidhje këtij problemi. Protestat do të përshkallëzohen nëse nuk gjejmë zgjidhje”, ka deklaruar një nga banorët e zonës.
Banorët kërkojnë dialog dhe shprehen se nuk do të dorëzohen pa u plotësuar kushtet e tyre, që përfshijnë mes të tjerash dëmshpërblim të tokës dhe rrugë dytësore.
