Ndeshja mes Dinamos dhe Apolonisë, e luajtur sot në stadiumin “Selman Stërmasi”, ka mbyllur javën e 19 të Kategorisë së Parë, me renditjen që ka pësuar ndryshime të rëndësishme si pasojë e rezultatit të saj.
Fitorja 3-2 e Apolonisë, ka larguar këtë të fundit nga zona e rrezikshme e klasifikimit, duke e afruar me zonën e play-off për ngjitjen në Superiore. Ndërkohë, Dinamo mbetet në vendin e tretë me humbjen e 3-të në 4 ndeshjet e fundit, duke qenë në ndjekje të Skënderbeut dhe Flamurtarit që mbajnë dy pozitat më lart të cilat garantojnë ngjitjen direkt në elitë.
Duket se çdo skenar është i hapur përsëri pas kësaj jave, pasi janë mundur Flamurtari, Dinamo, Korabi dhe Tomori, të gjitha skuadra të cilat janë në 6-shen e parë të pretendentëve për ngjitjen. Ndërsa fitoret e skuadrave si Oriku e Lushnja, hapin edhe luftën për mbijetesën në këtë kategori.
JAVA 19 / REZULTATET
Të shtunën
Tërbuni-Flamurtari 1-0
Lushnja-Korabi 3-2
Besa-Turbina 5-1
Skënderbeu-Tomori 1-0
Oriku-Besëlidhja 1-0
Burreli-Luzi 2008 1-0
Të dielën
Dinamo-Apolonia 2-3
Klasifikimi:
