Ish-Drejtoresha e Mjedisit në Bashkinë e Tiranës, Viola Sterjo e cila u arrestua tre ditë para natës së ndërrimit të viteve për akuzën e “mashtrimit me pasoja të rënda”, ka dalë nga qelia.
Ka zgjatur kështu më pak se tre muaj qëndrimi pas hekurave i bashkëpunëtores së Erion Veliajt, e cila nëpërmjet skemës që kishte ngritur zhvaste mijëra euro nga biznesmenët duke ju premtuar se do të ndërhynte pranë Agjencisë për Zhvillimin Bujqësor dhe Rural, në mënyrë që subjektet e tyre të përfitonin grande që sipas hetimeve arrinin deri në 2 milionë euro.
Gjykata e Shkallës së Parë në Korçë ka vendosur të ndryshojë masën e sigurisë për Vjola Sterjon, pasi drejtoresha e Mjedisit në Bashkinë e Tiranës, nëpërmjet avokatit të saj kishte kërkuar zëvendësim të “arrestut në burg” me “arrest shtëpie”.
Seanca është mbajtur pa prezencën e Sterjos, ndërsa mësohet se gjykata ka zbutur masën e sigurisë ndaj saj, me arsyetimin e nevojës për kujdestarinë e dy fëmijëve të saj të mitur, 7 dhe 10 vjeç.
Vjola Sterjo u arrestua për veprën penale të “mashtrim me pasoja të rënda”, pas denoncimit dhe hetimit disa mujor të prokurorisë, e cila dokumentoi se Sterjo kishte mashtruar disa biznesmenë në Korçë dhe Pogradec, duke iu marrë shuma të mëdha parash që fillonin nga 50 mijë Euro deri në 160 mijë Euro, duke iu premtuar që do tiu siguronte subvencione nga AZHBR.
Sterjo ka mbajtur pozicione të larta drejtuese në administratën publike, si tek e-Albania dhe AKSHi.
“Specialistët për Hetimin e Krimit Ekonomik-Financiar në DVP Korçë, në bashkëpunim me specialistët e Seksionit të Kërkimit në DVP Tiranë, bënë ekzekutimin e urdhrit të Prokurorisë për ndalimin e shtetases V. S., 39 vjeçe, banuese në Tiranë.
Ndalimi i saj u bë pasi, Gjykata e Shkallës së Parë Korçë, me vendimin e datës 26.12.2022, ka caktuar për këtë shtetase masën e sigurisë “Arrest në burg”, për veprën penale “Mashtrimi”, me pasoja të rënda”, thuhej në njoftimin e policies për arrestimin e saj.
LEXO EDHE:
Zbulohet lista, ja biznesmenët që mashtroi drejtoresha e Veliajt
Premtonte grante nga qeveria, si i mashtronte Viola Sterjo biznesmenët (Hetimet)
