Një makinë e djegur është gjetur nga policia në vendin e quajtur Kallamat, në fshatin Gramës të Fushë-Krujës.
Automjeti tip “Volkswagen Pasat” është totalisht e shkrumbuar nga flakët dhe për të nuk ka pasur njoftim në sallën operative.
Mjeti që është gjetur i djegur totalisht është dërguar në komisariatin e policisë së Krujës.
Ndërkohë, pistat që po heton policia e lidhin atë me shpërthimin me tritol që ndodhi në orët e para të mëngjesit të djeshëm në banesën e Skënder Likës, në fshatin Sanxhak të Laçit.
Dyshimet janë se “Pasati” është përdorur nga autorët që kanë vendosur sasinë e eksplozivit në verandën e banesës tre katëshe të familjes Lika.
Mësohet se një grup ekspertësh nga Komisariati i Policisë së Kurbinit do të bëjnë kryqrjen e mjetit për të gjetur ndonjë provë që mund të çojë në zbulimin e autorëve.
