KQZ ka miratuar listat e anëtarëve të KZAZ.
KQZ pranoi sot kërkesën e grupit Alibeaj ndonëse të dy palët brenda selisë blu kanë depozituar listat me anëtarë.
Ndonëse është miratuar, ky vendim nuk ka lidhje me regjistrimin e partisë në zgjedhjet lokale, për të cilën palët kanë kundërshtimet e tyre.
Lidhur me vendimin e regjistrimit si parti të PD-së, KQZ s’ka dalë ende me një vendim.
Në mbledhjen e zhvilluar në 9 mars, gjatë shqyrtimit të kërkesave të PD-së së drejtuar nga Sali Berisha dhe të grupit Alibeajt për t’u regjistruar në zgjedhje, KQZ vendosi të mos i pranojë të dyja.
Kërkesa e PD-së së drejtuar nga Berisha nuk u pranua për shkak se sipas kryekomisionerit Celibashi, Basha njihet ligjërisht si kryetar partie.
Ndërsa lidhur me kërkesën e Alibeajt për regjistrimin e PD-së në zgjedhje, Ilirjan Celibashi u shpreh se nuk e pranonte për shkak se mungonte një “deklaratë me shkrim e nënshkruar nga kryetari i partisë politike”, që sipas tij është Lulzim Basha dhe e ktheu dokumentacionin për plotësim. Për dorëzimin kësaj shkrese, KQZ la 48 orë kohë.
