SPAK ka shpallur këtë të enjte pretencën për dy anëtarët e klanit “Duka”, të cilët akuzohen për vrasjen e ish-efektivit të policies dhe njëherësh krahut të djtahtë të Ervis Martinajt, Santiago Malko.
Për ngjarjen që trondit Tiranë më 27 gusht të 2019-ës, Prokuroria e Posaçme kërkon dënimin me 25 vite burg të Ilir Selmanit dhe me 7 vite burg për Elvis Gacajn.
Ndaj Ilir Selmanit, Gjykata e Shkallës së parë për Krimet e Rënda kishte vendosur masën e sigurisë arrest me burg, si i dyshuar për “vrasje me paramendim” dhe “armëmbajtje pa leje”.
Santiago Malko u vra mbrëmjen e 27 gushtit 2019 me një atentat të stilit mafioz. Ai u qëllua teksa po dilte me makinë nga një lavazh në rrugën Xhanfize Keko.
Në vendin e vrasjes, policia gjeti rreth 10 gëzhoja, ndërsa makina që u përdor nga atentatorët u gjet e diegur në fshatin Ferraj, rreth 6.5 kilometra nga vendngjarja.
Deri në vitin 2014 Malko kishte qenë polic, por më pas ishte larguar nga detyra. Ai njihej për shoqërinë me Ervis Martinajn, ky i fundit akuzuar për vrasje, armëmbajtje pa leje, falsifikim dokumentash, pastrim parash dhe evazion fiskal.
Vrasja e Santiago Malkos ishte planifikuar nga një skuadër e përbërë nga 7 anëtarë, të cilët kanë qënë aktivë në terren, ndërsa dy persona të tjerë janë ata që kanë urdhëruar dhe paguar Fatmir Hysenin “Doqen” e Vlorës për të hapur zjarr në drejtim të ish-efektivit.
Akuza për vrasjen janë ngritur edhe ndaj personave të shpallur në kërkim si Elis Duka, Xhoni Nica, Oltian Loka, Aleksandër Maxhaku, Dritan Agaj (i njohur si Gabeli), Fatmir Hyseni (i njohur si Doqja) dhe Bledar Teta.
Gjithashtu i akuzuar si personi që urdhëroi grupin të kryente ekzekutimin e Malkos, pas përplasjeve të klanit të tij kriminal me atë të ish-mikut Vis Martinaj, është Leonard Duka, i cili pak ditë më parë u arrestua në një vilë në Bruksel.
