Janë luajtur 3 ndeshje në Conference League në kuadër të fazës së 1/8-ve. West Ham hedh një hap të rëndësishëm drejt kualifikimit pasi triumfon në transfertë përballë Aek Larnaca me rezultatin 2-0.
Sfida u vulos nga dygolëshi i Antonio brenda pjesës së parë.
Fitore ka arritur edhe Nice në transfertë përballë Sheriff Tirapsolit. Këta të fundit janë mposhtur me rezultatin minimal 1-0. Ishte goli i Amraoui në fundin e pjesës së parë që vulosi edhe rezultatin final të takimit.
Ndërkohë që sfida tjetër mes Anderlechtit dhe Villarrealit u ndal në barazim 1-1. Të parët në avantazh kaluan miqtë me anë të Trigueros që realizoi në minutën e 28-të. Anderlechti nga ana tjetër nuk dorëzohet dhe realizon golin e baraspeshës Dreyer në fillimin e pjesës së dytë.
Një rezultat ky që lë gjithçka të hapur për ndeshjen e kthimit.
