Këtë të enjte në Gjykatën Kushtetuese ëhstë zhvilluar seanca gjyqësore, ku u shqyrtua kërkesa e bërë nga një grup deputetësh të Partisë Demokratike për shqfuqizimin e Bordit të Transparencës, ashtu siç ndodhi edhe me bordin e qeverisë që caktonte çmimet e ushqimeve.
Seancën e ndoqën nga afër deputetët Dashnor Sula dhe Dhurata Çupi, të cilët njëzëri u shprehn kundër këtij institucioni të krijuar nga qeveria Rama, pasi prej një viti “vjel” miliona nga xhepat e shqiptarëve duke diktuar çmimet e karburantit sipas interesave të kompanive më të mëdha të hidrokarbureve në vend.
Deputetja Çupi tha se 5 tregtarët më të mëdhenj të karburanteve janë vendosur pjesë e bordit të qeverisë ku caktojnë edhe çmimet.
“Në shtator depozituam kërkesën. U paraqitën qartësisht se akti normative është në cenim të thellë për sa i përket tregtisë së lirë, mbrojtjes së çmimeve abuzive të karburanteve. Një bord publik privat, i paparë në vende të tjera. Çmimet kanë qenë katastrofike pas vënies në funksion të bordit. Bordi nuk duhet të ekzistojë dhe çmimi të jetë në bazë të tregut. Në një ekonomi që duhet të bazohet në konkurrencë. Çmimet e karburantit kanë qenë të jashtëzakonshme më të larta se në 30 vite. Çmime abuzive dhe tepër të larta. Ky projektligj duhet të shfuqizohet”, tha Çupi.
Ndërkohë deputeti Dashnor Sula tha se Bordi ka dëmtuar rëndë ekonominë e shqiptarëve, pasi është krijuar enkas me qëllim përfitimi në një kohë të vështirë.
“Ky bord është ngritur enkas për qëllime përfituese për një ose dy kompani të hidrokarbureve. Çmimet në pakicë dhe shumicë kanë qenë dukshëm më të lartë. Për shkak të konkurrencës, u gjet mekanizmi të ngrihej një bord ku përfshiheshin 5-6 kompani që nuk kishin këtë marsh fitimi të bëhej barazimi i fitimit.
Baza e një ekonomi tregu është konkurrenca dhe kjo qeveri e vendosi në thundrën e saj. Të gjithë e dimë se si është çmimi në burs, dhe kjo nuk është ndjekur nga bordi. Si është e mundur që ndryshohet çmimi çdo 24 orë. Kur ndryshon në burs këtu duhet minimumi 2 javë të ndikojë. Sa i përket embargos, kemi raste flagrante të kapjes së tonelatave. Kjo rast kontrabandë do të futej nga operatorë të fuqishëm të tregtimit të karburanteve në vend.
Ne kemi bërë një studim për 10 vitet e fundit, sa i përket numrit të makinave, importit të karburanteve, shifrat janë tronditëse. Në vitin 2011, 440 mijë makina, në vitin 2021, 770 mijë euro. Në 2011 ç’doganoheshin 760 mijë ton naft, ndërsa në vitin 2021 ç’doganohen 730 ton naftë. Si ka mundësi? Dy janë shkaqet, kontrabanda ose mos dalja e sasive të naftës për eksportim. Po ju them që opozita është e vendosur në rrugën e saj për të bërë transparencë dhe akuzuar mazhorancën”, deklaroi Sula.
