Kandidati i opozitës për zgjedhjet lokale në Kuçovë, Lefter Maliqi vijon fushatën në terren për zgjedhjet e 14 majit.
Gjatë kësaj të mërkure, ai ishte në Kozare, ku ka zhvilluar një takim me banorët e zonës.
Maliqi u premtoi atyre më shumë punë dhe u shpreh se do të investojë në të gjithë fshatrat e kësaj zone sapo të vijë në krye të bashkisë.
“Kozarja “Kantier Ndërtimi”,- shkruan Maliqi mes të tjerash në Facebook, ku edhe ka ndarë foto e video nga takimi.
Postimi i plotë:
Kozare-Kuçovë, takim entuziast motivues për t’a kthyer zonën në kantier ndërtimi! Mirënjohje çdo banori në kete takim dhe ju garantoj ndryshim rrenjësor në të gjitha fshatrat e zonës së Kozares: Frashër, Gegë, Drizë, Kozare, Havaleas, Salcë-Kozare, Zdravë, Ferras, Demollarë dhe Fier Mimar. Infrastruktura, rrugët e fshatrave dhe parcelave bujqësore e ullishteve, shkollat, kopshtet, qendrat shendetesore, kanalizimet, ujësjellësat, Anasambli i zonës, Linja e Unazës, Kozare-Kuçovë-Perondi-Lumas etj. do bëhen realitet. Kozarja “Kantier Ndërtimi”! Fitore!
