Policia e Shtetit ka zyrtarizuar këtë të martë disa ndryshime të rëndësishme në hierarkinë e saj.
Drejtori i Përgjithshëm, Muhamet Rrumbullaku ka firmosur disa lëvizje në rang drejtuesish qarqesh brenda uniformave blu.
Mësohet se Ardian Çipa është emëruar Drejtor i Policisë Vendore Gjirokastër, ndërsa Bledar Çeliku emërohet këshilltar në Drejtorinë e Përgjithshme.
Në Elbasan është komanduar drejtues Ilir Proda që më herët mbante postin e nëndrejtorit për Policinë Kriminale në këtë drejtori.
Ndërkohë bëhet me dije se në Dibër është emëruar drejtues Lorenc Shehu, ndërsa lëvizje pritet të ketë edhe në Lezhë.
