Sekretari i Përgjithshëm i Partisë së Lirisë, Tedi Blushi ka komentuar në FB , njoftimin e bërë ditën e sotme nga Agjencia Amerikane Kundër Narkotikëve-DEA përmes ambasadë amerikane, që fton qytetarët shqiptarë të japin informacionet për trafiqet e drogës dhe të pastrimit të parave.
Blushi shkruan se këto janë lajmet që na sjell përdit qeveria.
“Shqipëria i ka të gjitha mundësitë ta zhdukë narkotrafikun. Ka qytetarë të mirë dhe policë shumë profesionalë. Por fatkeqësisht kemi dhe këtë Qeverinë e vulëhumburit që dita-ditës po na i nxin faqen në gjithë botën. Sot na paska futur edhe në radarin e DEA-s. Ministrat i ka nëpër burgje, dhe emri i tij lakohet nga mediat botërore si partner i McGonigal-it. Por po i vjen fundi kësaj pune, se shqiptarët vërtet durojnë shumë, por nuk e lënë kupën e mbushur të derdhet. Ndryshim me çdo çmim”, shprehet ai.
