Eksperienca e Kejcvina Kthellës në Big Brother Vip Albania zgjati shumë pak, por la gjurmë brenda shtëpisë.
Edhe pse dalja e saj erdhi prej një shuplake ndaj Luizit në një moment tensioni në mbrëmjen e Prime, duket se siç edhe vetë Kejvina tha më pas në një postim të gjatë sqarues në Instagram, këngëtari shkodran mbetet i vetmi mik i vërtetë i saj në atë shtëpi.
Kejvina në postimet e saj në Instastory nuk rresht së treguari se mbështet vetëm Luizin brenda shtëpisë më të famshme në Shqipëri.
Por jo vetëm kaq, pasi edhe vetë këngëtari e kujton herë pas here modelen aty brenda, madje më shpesh prej ditës ku një dron me foton e të dyve fluturoi mbi shtëpi, teksa mbante mesazhin “Ti voglioo bene…”.
Dje Luizi kishte veshur bluzën që i ka dhuruar Kejvina, por një reagim negative ka ardhur nga e dashura e tij Kiara Tito, e cila i ka kërkuar që ta “zhdukë”.
“Aman ma zhduk këtë bluzën, ma hiq”, i tha Kiara Luizit. “Ma ka dhënë Kejvina“, ia ktheu ai duke vazhduar të mbajë veshur bluzën e modeles.
Pas kësaj bisede ka reaguar edhe modelja seksi me një ironi therëse për Kiara Titon, të postuar në Instastory.
“Eh moj Kiara butulose po kur merrje gjerat e mia aty brenda te pelqenin?”, shkruan modelja.
Kejvina nuk u ndal me kaq, pasi në një tjetër postim ajo ka reaguar për një video ku Kiara debaton me Oltën për punët e shtëpisë.
Ironia lidhet me sesa e vlerëson Kiara pastrimin e shtëpisë, duke e krahasuar me dashurinë “e sinqertë” që ka për Luizin.
Përveç kësaj, janë vënë re shumë komente në rrjet, pas gjestit të fundit të Luizit. Ai bëri dy tatuazhe dedikuar Kiarës, por njerëzit qëndrojnë shumë skeptikë në lidhje me sinqeritetin e ndjenjave të saj.
