Partneri i Kluadia Latës, 21 vjeçares shqiptare që humbi jetën në aksidentin hekururdhor në Greqi ka rrëfyer momentet e fundit me të.
Për mediat vendase ai ka rrëfyer se pak minuta para se trenat të përplaseshin ai kishte lëvizur disa hapa larg Klaudias për të kërkuar një vend tjetër për tu ulur.
“I thashë se do të kërkoj vende për 10 minuta. Ajo më shikoi me një vështrim të fiksuar dhe më tha “shko tani”. U habita nga mënyra e saj e të folurit dhe pa u menduar u ngrita. E pashë të më buzëqeshte, i buzëqesha dhe bëra 15 hapa. Më pas ndjeva një zhurmë, rashë disa metra mbrapa në shpinë.
As nuk e kuptova se çfarë kishte ndodhur, thjesht ndjeva një masë hekurash që më binin. Fatmirësisht nuk u lëndova. U zgjova nga tymi. Aktualisht kam probleme me frymëmarrjen. Në një moment mbylla sytë dhe thashë se do të digjem i gjallë. Në të njëjtën kohë po mendoja për Klaudian.
Nuk e kuptova se çfarë kishte ndodhur sepse gjithçka ishte e errët. Unë thjesht isha i tronditur. Disa bërtisnin se ishim në një zjarr ”, ka thënë partneri i 21 vjeçares.
Përplasja fatale e dy trenave më 1 mars në Greqi shkaktoi 57 viktima (55 të identifikuar). Në mesin e viktimave u identifikuan edhe 6 shqiptarë të cilët janë: Klaudia Lata, Ifigjenia Micka, Erieta Molko, Ioanis Xhiollas, Denis Ruçi dhe Pavlin Bozo.
