Një aksident me dy të plagosur ka ndodhur mesnatën e kaluar në Maliq. Një 27-vjeçar duke drejtuar një makinë tip ‘Volkswagen’ ka humbur kontrollin dhe ka dalë nga rruga.
Të plagosurit ndodhen në spitalin e Korçës, në kujdesin e mjekëve.
“Mesnatën e djeshme, në rrugën “Zvezdë-Pojan”, Maliq, shtetasi G. A., rreth 27 vjeç, banues në fshatin Pojan, duke drejtuar automjetin tip “Volkswagen”, dyshohet se ka humbur kontrollin dhe për pasojë, automjeti ka dalë nga rruga. Nga ky aksident janë dëmtuar shtetasi G. A. dhe vëllai i tij, shtetasi K. A., 30 vjeç, pasagjer në këtë automjet, të cilët ndodhen në spitalin e Korçës, në kujdesin e mjekëve.”- njofton policia.
Grupi hetimor po kryen veprimet procedurale dhe vijon puna për përcaktimin e shkakut të këtij aksidenti.
