Një 32-vjeçar ka tentuar t’i japë fund jetës pasi nuk ka arritur të shlyejë një borxh të akumuluar nga bastet online. Më datë 25 shkurt, 32-vjeçari përfundoi në spital në gjendje të rëndë për jetën pasi kishte konsumuar mbidozë medikamentesh. Vetë i riu ishte shprehur para mjekëve se ishte thjesht në gjendje depresioni dhe nuk preferoi të tregonte gjë mbi borxhin, por me lënien e spitali, autoritetet e ndoqën dhe iu zbulua borxhi.
Ishte një video e dërguar në telefonin e tij, ku dukej shtëpia ku jetonte e shoqja me fëmijët që zbuloi personat të cilëve 32-vjeçari u detyrohej gati 4 milionë lekë. Videoja ishte dërguar në formë presioni nga të dyshuarit Mario Lika dhe Blenard Ahmetaj, që akuzohen nga prokuroria për gjobvënie dhe për organizim lojërash fati në kundërshtim me ligjin.
Prokuroria thotë se ata e kanosën bastexhiun e ndeshjeve sportive mbasi viktima e tyre nuk arriti tu shlyente borxhin dhe se ata i shkuan vazhdimisht në banesë, kanë qëndruar duke e vëzhguar në distancë Madje, ata dhe e kanë kërcënuar në gjykatë gjatë masës së sigurimit personal.
Të njëjtën gjë kërcënuese bënë edhe kundër bashkëshortes së tij, duke i kanosur fëmijët derisa sa konflikti kulmoi në datën 2 mars kur dhe i sulmuan shtëpinë 32-vjeçarit duke synuar që të shkatërronin derën e të hynin brenda.
Prokurorja pohoi se si prova rënduese për gjobëvënien e bastit janë edhe komunikimet në telefon jo vetëm me bastexhiun por edhe të ëmën si dhe fakti që njëri nga të dyshuarit rezulton me precedentë të mëparshëm penalë në Gjermani. Hetimet vijojnë.
/TCH/
