Trajneri i Partizanit, Xhovani Kolela, po përjeton një moment mjaft të veçantë të karrierës së tij në drejtimin e Partizanit.
Derbi i sotëm ndaj Tiranës mund të vendosë edhe për të ardhmen e italianit i cili pak ditë më parë në fakt ishte i bindur se do të largohej nga të kuqtë, për të ndërruar më pas mendjen.
Me sa duket, trajneri ka dashur të kthjelltësohej para se të niste përgatitja për duelin e orës 19:00 teksa ka dalë të bëjë një xhiro i vetëm në rrugët e kryeqytetit, pikërisht në zonën pranë stadiumit ku do të luhet ndeshja mes dy skuadrave.
“Panorama Sport” ka siguruar foton e teknikut i cili po ecte i vetëm në bulevard, duke shkuar në drejtim të hotelit ku qëndrojnë zakonisht të kuqtë.
Atje do të bëjë analizën e fundit para se ekipi të udhëtojë drejt stadiumit për ndeshjen që mund të jetë përcaktuese për fatin e titullit kampion, por sidomos për të ardhmen e teknikut.
