Max Verstappen me Red Bull fitoi sot garën e parë sezonale të Formula 1, atë të zhvilluar në Bahrein. Një garë tërësisht e dominuar nga piloti holandez dhe makina Red Bull, me dy pilotët e saj që zunë dy vendet e para, ndërsa rivalët ishin shumë larg, pa dueluar dot për fitore.
Kështu, i dyti u klasifikua meksikani Sergio Perez, ndërkohë që podiumi u kompletua me pilotin spanjoll Fernando Alonso me Aston Martin. I katërti doli Sergio Perez me Ferrari, duke lënë pas Lewis Hamilton me Mercedes. Ndërsa “kokëkuqja” tjetër e Charles Leclerc u tërhoq 15 xhiro nga fundi kur ndodhej i treti.
https://twitter.com/F1/status/1632420356286816260?ref_src=twsrc%5Etfw%7Ctwcamp%5Etweetembed%7Ctwterm%5E1632420356286816260%7Ctwgr%5E21896cc3bc7fee206e383fc8a8c6a43837b954a6%7Ctwcon%5Es1_&ref_url=https%3A%2F%2Ftelesport.al%2Fred-bull-ben-ligjin-ne-bahrein-me-nje-fitore-te-dyfishte-ferrari-me-probleme-rivalet-shume-pas%2F
Ashtu sikurse edhe pritej, dominimi i Red Bull ishte i ndjeshëm, që edhe pse përdori një strategji ndryshe nga rivalët, sërish nuk e vuri në diskutim fitoren. Perez edhe pse humbi një pozicion në start, e rikuperoi atë gjatë garës. Probleme me besueshmërinë dhe konsumin e gomave te Ferrari, që doli më dobët nga provat zyrtare të së shtunës.
Dominimi i makinës austriake ishte i madh, çka duket nga kohët e dhëna në pistë, ku vendi i tretë e mbylli garën mbi 35 sekonda pas Verstappen. Ferrari, Mercedes dhe Aston Martin, tri skuadrat që pritej të rivalizonin Red Bull, në këtë garë ishin në hije dhe u mjaftuan duke rivalizuar mes tyre.
