Banorët e Bushatit në Vaun e Dejës janë zgjuar të tronditur nga shpërthimi i fuqishëm me eksploziv në oborrin zyrave të OSHEE-së.
Policia njofton se një lëndë plasëse është hedhur në orën 01:40 në oborrin e zyrave të OSHEE-së që fatmirësisht nga shpërthimi nuk ka shkaktuar njerëz të lënduar por vetëm dëme materiale.
Ngjarja ende nuk është zbardhur dhe nuk dihet arsyeja përse zyrave të OSHEE i është vendosur tritol. Jo pak raste janë kur policia dhe punonjës të OSHEE korruptohen duke u bërë bashkëpunëtorë me grupet kriminale në kultivimin e kanabis, veçanërisht nëpërmjet “Shtëpive të Barit”.
Grupi i posaçëm hetimor i ngritur për zbardhjen e ngjarjes, ka siguruar prova që do të çojnë në identifikimin dhe kapjen e autorit/ëve. Nën drejtimin e Prokurorisë së Rrethit Gjyqësor Shkodër, vijon puna për zbardhjen e rrethanave të kësaj ngjarjeje.
“Boldnews.al” ka siguruar pamjet nga vendngjarja ku shihen xhama të thyer dhe një kondicioner që kanë përfunduar në tokë si pasojë e shpërthimit. Pamjet VIDEO cfarë dëmesh kanë ndodhur pas shpërthimi:
Me poshte mund te shikoni momentin kur ndodh shpërthimi në pjesën e pasme të një makine të parkuar në oborrin e zyrave, mjet që është në pronësi të OSHEE-së. Përveç makinave, ka dëme edhe të zyrës.
- Njoftimi i Policisë së Shkodrës:
“Rreth orës 01:40, në fshatin Bushat, Vau i Dejës, në oborrin e zyrave të OSH EE-së, është hedhur dhe ka shpërthyer lëndë plasëse.
Si pasojë e shpërthimit janë dëmtuar dy mjete të OSHEE, të parkuara në oborr.
Grupi i posaçëm hetimor i ngritur për zbardhjen e ngjarjes, ka siguruar prova që do të çojnë në identifikimin dhe kapjen e autorit/ëve.
Nën drejtimin e Prokurorisë së Rrethit Gjyqësor Shkodër, vijon puna për zbardhjen e rrethanave të kësaj ngjarjeje.”
