Pronarët e godinës ku ndodhi shpërthimi me tritol një natë më parë në Fushë-Krujë janë marrë në pyetje.
Mësohet se ata kanë deklaruar se nuk kanë asnjë konflikt. Godina është në pronësi të Bujar Çaraçit, por ai ndodhet në Greqi dhe për këtë arsye janë marrë në pyetje familjarët, të cilët mësohet se kanë deklaruar se nuk asnjë konflikt.
Shkaku kryesor i këtij shpërthimi me tritol dyshohet se është konkurrenca mes bizneseve të mobilierisë në Fushë-Krujë. Të njëjtin qëndrim ka mbajtur edhe qiraxhiu, Desar Çangu që ka marrë me qira godinën që e shfrytëzon ambientin për mobilerinë. Ai ka deklaruar se nuk ka konflikte personale apo familjare me askënd.
Nga shpërthimi nuk ka persona të lënduar, por shkaktoi dëme të mëdha material. E gjithë godina u shkatërruar madje u dëmtuan dhe bizneset përreth.
Një shtëllunge tymi u ngrit në ajër pas shpërthimit, që shqetësoi banorët.
Mobileria ishte marrë me qira nga Desar Çangu, ndërsa godina ishte në pronësi të vjehrrit të tij, Bujar Caraci.
Lexo edhe:
FOTO-EMRI/ Hidhet në erë me tritol mobilieria në Fushë-Krujë, ja kush është pronari
