Kategoria e Parë ka luajtur ndeshjet e saj të javës së 18-të, me të gjitha skuadrat që zbritën në fushën e lojës.
Në sy ra fitorja 0-4 që Dinamo arriti përballë Besëlidhjes në transfertë, me Dritan Mehmetin që debuton në mënyrën më të mirë te blutë.
Skënderbeu u ndal në transfertë nga Burreli duke barazuar 0-0 dhe duke lëshuar kreun e renditjes.
Një fitore fantastike arriti Tomori duke përmbysur Orikun me rezultatin 2-1 dhe duke parakaluar besën në renditje.
Kjo e fundit u mund 1-0 nga Korabi e vendit të katërt.
Një fitore të rëndësishme arriti dhe Apolonia, që tani i hedh sytë nga zona “play-off” pas fitores 1-0 në shtëpi përballë Tërbunit.
Dueli mes Luzit dhe Turbinës u mbyll pa gola, një rezultat që nuk ndihmon asnjë nga skuadrat.
Ndërkohë në sfidën e zhvilluar në Vlorë, Flamurtari mposhti bindshëm me 3 gola Lushnjën duke marrë me meritë kreun e renditjes.
Rezultatet e javës së 18-të:
BURRELI 0–0 SKËNDERBEU
BESËLIDHJA 0–4 DINAMO
APOLONIA 1–0 TËRBUNI
KORABI 1–0 BESA
LUZI 0–0 TURBINA
TOMORI 2–1 ORIKU
FLAMURTARI 3–0 LUSHNJA
