Modelja shqiptaro-italiane, Jori Delli është banorja më e re që i bashkohet shtëpisë së Big Brother VIP.
26-vjeçarja u prezantua përmes një kërcimi sensual me trupën e baletit të Top Channel në hyrjen e saj brenda shtëpisë më të famshme dhe pritet që me provokimet e saj të trondisë jo pak ujërat.
Jori e kishte shprehur tre muaj më pare dëshirën për të hyrë në Big Brother, teksa ishte e ftuar në emisionin “Top Arena”, madje duke theksuar që eksperiencën në shtëpi ta ndante me këngëtarin Butrint Imeri, ish-të dashurin e Kiara Titos.
26-vjeçarja është një fanse e flaktë e Milanit dhe është bërë e njohur pasi është një nga gazetaret e SportItalia dhe ka marrë komplimente në transmetim live për look-un e saj edhe nga ish-kryeministri Italian Silvio Berluksoni.
Përveç të qenit një gazetare e mirë, Jori shfrytëzon bukurinë e saj të jashtëzakonshme dhe gjithashtu punon si modele dhe blogere në Instagram.
Ajo vjen nga qyteti i Parma, por origjina e saj është shqiptare.
Përveç pasionit për futbollin, Jori është një femër shumë e pasionuar pas fitnesit dhe studion për Inxhinieri në Universitetin Politeknik të Torinos.
