Kreu i Partisë Demokratike, Sali Berisha u shpreh i bindur se do të ngrihet urgjentisht Komisioni Hetimor për skandalin McGonigal.
Gjatë fjalës së tij, Berisha theksoi se opozita kërkon transparencë për këtë aferë, ndërsa shtoi se Rama duhet të dënohet për krimet e kryera.
Gjithashtu Berisha i bëri thirrje të gjithë socialistëve që mos sjellin destabilitet në vend për një “kufomë politikë”, siç e quajti Edi Ramën.
“Edi Rama u miqësua aq shumë me të sa kishte sekretin më të madh miqësinë me të, nuk e ndante as me shefi e shërbimeve as me drejtorin e policisë, e ndante me Damianin dhe me këto, se keni ngrënë dreka dhe darka me atë. Pra ju jo vetëm që shtoheshit po i bënit dhe favore jepni licensat sic thoshte ai. Gjykata amerikane nuk gënjen kurrë ka shkruar ato që i ka faktuar prokurori i cështjes.
Prandaj kryetari juaj është një kufomë politike, le të mbështetet te ty Mandeli por nuk fiton moral më ai. Të ardhme nuk ka, ka futur administratë dhe ju në një vorbull korruptive që askush se di kur fillon dhe mbaron lëmshi. Ne do e heqim atë komisionin do ta krijojmë është një detyrim kushteuese, janë1000 pyetje për të dhënë përgjigje.
Do dali mos ki merak se sot nuk është rasti po do të themi dhe ca gjëra për ty., Foli këtu për Lui Bladel, e solli Edi Rama e dolli te ai McGonigal. Opozita do transparencë dhe asgjë nuk na pengon ne. Rama ka fshehur krim, dënohet ka kryer krime, komisioni hetimor është jetik dhe ai do të krijohet, ndaj nëse ju ka ngel ndërgjegjia më minimale mos pengoni komisioni se do destabilizoni vendit për një kufomë politike që s’ka të ardhme”, tha Berisha.
