Deputetja demokrate, Albana Vokshi i ka bërë thirrje kryeministrit Edi Rama dhe mazhorancës që të mbajnë duart larg “vulës” së Partisë Demokratike.
Gjatë fjalës në foltoren e Kuvendit, Vokshi theksoi se PD-ja është shtëpia e demokratëve dhe do ta mbrojnë me çdo kosto. Vokshi tha se mazhoranca ka kohë që po mundohet që të mbajë “peng” opozitën dhe të ndikojnë në sistemin e drejtësisë.
“Po mundoheni të kontrolloni vendimet e Gjykatës për opozitën. Larg duart nga PD, vula dhe ngjyra. Po mundoheni që të ndikoni drejtësinë në të gjitha mënyrat, keni kaq vite madje që loboni te drejtuesit e FBI-së për ta mbajtur peng opozitën. Tani po mundoheni të kontrolloni vendimin e Gjykatës. Larg duart nga PD, larg duart nga flamuri i PD dhe vula. PD është shtëpia jonë dhe do e mbrojmë atë me çdo kosto. Larg duart nga PD
Lakmia ka thënë ‘Le Mont’ ishte dhe fundi i McGonigal që do të jetë dhe i Ramës. Ai sot është në burg, edhe Ramën ky fund e pret. E nisim me ngritjen e sistemit të 20% që e ka çuar në 80-90%. Marrëdhënia e Ramës me McGonigal e Ramën është korruptive. Arritja kryesore e qeverisë për 9 vite është shpopullimi. 4000% është rritur numri I shqiptarëve që kanë emigruar me varka. Pse ikin? Se s’ka qeveri. Ikin sepse zgjedhjet blihen, kërcënohen nga patronazhistët dhe tani për perfeksionuar nga Aktiv1sti. Ikin sepse nuk ka siguri në Shqipëri.
Dje u vranë 3 gra dhe u plagosën tret të tjera. Masakra mund të ishte shmangur. Shteti ka rënë dhe siguria ndaj grave ka rënë. E ca bënte kryeministri dje? Nxirrte foto nga Italia, në vend që të jepte një mesazh ngushëllimi”, tha Vokshi.
