“Ky person e ka të lindur pjesën kriminale të vetja dhe nuk mendoj se e kishte nga problemet mendore”.
Kështu është shprehur në një intervistë për SYRI TV, avokatja Eva Hamitaj, e cila ka qenë për një kohë të caktuar përfaqësuesja ligjore e 40-vjeeçarit Dan Hutra, i cili realizoi një maskaër ditën e djeshme, duke ekzekutuar 3 gra dhe lënë të plagosura tre të tjera.
“Kur nëna e tij erdhi në zyrë kërkonte që djali i tij të dilte shumë shpejtë dhe thoshte se djali i saj nuk e kishte dhunuar bashkëshorten por ajo ishte larguar nga banesa se ndihej e frikësuar nga ajo që mund ti ndodhte për shkak të veprës penale që kishte kryer Dan Hutra. Dhe kur e pyeta se çfarë ka kryer ajo më tha që kishte bërë vrasje dhe kjo ishte shumë e rëndë.
Kur lexova në internet dhe pashë se mënyra se si ai kishte kryer vrasjen e parë në 2007 të bashkëshortes duke e goditur me thikë në mëlçi dhe në zemër në kuzhinë, e kishte marrë trupin dhe e kishte çuar në dhomën e gjumit, ku kishte ndenjur para saj dhe i qetë kishte pritur policinë të vinte për arrestim.
Kur kam lexuar dinamikën e ngjarjes kam kuptuar se ky person e ka të lindur pjesën kriminale të vetja dhe nuk mendoj se e kishte nga problemet mendore”, tha avokatja.
Hamitaj teksa foli për eksperiencën e saj si përfaqësuese ligjore e të arrestuarit për masakrën e djeshme, shpjegoi se gjykata kur e ka dënuar për “dhunë në familje” nuk është treguar e kujdesshme pasi nuk ka marrë në konsideratë karakteri problematik të Dan Hutrës dhe krimet që ai kishte kryer në të kaluarën e tij.
“Nuk bëhet fjalë për person të zakonshëm, pavarësisht se ai shkoi në burg për dhunë në familje. Maksimumi që gjykata mund të jepte për këtë vepër është 3 vite burg gjë që nuk ndodhi edhe në këtë rast. I qëndroi paraburgimit dhe nuk u mor parasysh karakteri dhe e shkuara e këtij personi”, nënvizoi Hamitaj.
Sipas Hamitaj, Hutra ka tentuar të arratisej edhe gjatë vuajtjes së dënimit të parë për vrasjen e bashkëshortes, pasi në burgun e Drenovës ai ka qenë i dënuari që zotëronte sharrat, me të cilat u prenë hekurat e dritareve, duke i mundësuar arratinë edhe grabitësit famkeq Admir Tafili.
“Kur ndodhin vepra të tilla shumë të rënda thuhet se autorët vuajnë nga shëndeti mendor. Ka raste që ka probleme me shëndetin mendor. Vetë Dan Hutra ka vuajtur nga shëndeti pasi ishte me diabet. Kur vinte e ëma në zyrë thoshte se ai ka vuajtur nga ana shëndetësore. Ka kryer 13 vite burg dhe mund të ketë përfituar ulje nga probleme të shëndetit mendor. Kur ka qënë në burg ka tentuar të arratiset pasi ka qënë pjesë e grupit të sharrimit të hekurave për tu arratisur”, u shpreh më tej ish-avokatja e 40-vjeçarit.
