Deputeti i Partisë Demokratike, Luçiano Boçi kërkoi dorëheqjen e kryeministrit Edi Rama nga foltorja e parlamentit, këtë të Enjte.
“Ky kryeministër e shndërroi kryeministrinë në një mejhane korruptive ku ndante pasuritë e shqiptarëve për benefitet e tij personale dhe politike dhe në rastin konkret të skandalit, për çfarë i bënte? Për një gjë të pamenduar, për të goditur dhe eleminuar opozitën dhe sistemin politik në Shqipëri. Megjithatë ky i sotmi nuk është një gjyq politik, ky është fillimi i një fundi politik dramatik të një kryeministri i cili nën avujt e çmendurisë projektoi dhe veproi për eliminimin e sistemit politik në Shqipëri”, u shpreh Boçi.
