Një turist francez është gjetur i pajetë në një bujtinë në Skrapar, njoftoi këtë të Martë policia lokale.
“Rreth orës 19:30, shtetasi M.L. njofton se në bujtinën e tij në fshatin Gjerbës, Skrapar, ka gjetur pa shenja jete shtetasin francez C.F, 49 vjeç, i cili kishte disa ditë që ishte akomoduar në këtë bujtinë”, njofton policia.
Nga këqyrja paraprake në trupin e viktimës nuk janë konstatuar shenja dhune, shtuan të njëjtat burime.
Ndërkaq, një hetim ka nisur për zbardhjen e shkakut të humbjes së jetës së 49-vjeçarit.
