Moti ka marrë një kthesë këtë fund-shkurti, me temperaturat që janë relativisht më të larta se pak ditë më parë, por me më shumë vranësira dhe rikthim të reshjeve të shiut.
Sakaq, teksa Shërbimi Meteorologjik ka paralajmëruar për reshje shiu gjatë të ditës së sotme, në orët e para të mëngjesit situata në Korçë është paraqitur problematike prej mjegullës që ka bërë të vështirë qarkullimin e mjeteve në rrugë.
Segmente të caktuara të aksit Korçë-Maliq kanë qenë thuajse të pakalueshëm për shkak të mjegullës së dendur.
Problemet më të theksuara kanë qenë në segmentin Petrushë-Grabovicë duke sjellë probleme në qarkullim në orët e para të kësaj dite.
Në kushte të tilla, drejtuesit e mjeteve kanë qenë të detyruar të lëvizin me shpejtësi të ulët edhe për të shmangur aksidentet e mundshme.
Policia bën me dije se gjatë orëve me prani të mjegullës, fatmirësisht nuk është regjistruar asnjë aksident.
