Këtë të martë Prokuroria e Tiranës ka dhënë pretencën për grupin me 5 të arrestuar, të cilët akuzohen se në këmbim të vlerave të caktuara monetare shisnin vende për varre në varrezat e Tufinës.
Pesë të arrestuarit në bashkëpunim me njëri-tjetrin përfitonin shuma parash nga 30.000 deri në 50.000 lekë të reja, duke bërë të mundur pronotimin e varreve për shtetas të ndryshëm, ndërsa skema korruptive është zbuluar nga Prokuroria e Tiranës dhe Drejtoria e Krimit Ekonomik në Policinë e Shtetit
Prokurorët kanë kërkuar dënim me 2 vjet burgim për Alban Ajazin (1.4 me gjykim të shkurtuar) për akuzën “ushtrim ndikimi të paligjshëm ndaj personave që ushtrojnë funksione publike” dhe korrupsion pasiv”.
Sakaq, për Bujar Licën kërkohet dënim me 1 vit burg (9 muaj me gjykim të shkurtuar), për akuzën “ushtrim i ndikimit ndaj personave që ushtrojnë funksione publike”.
Për Gazmend Daja, me detyrë punonjës varrezave Tufinë pranë Agjensisë së Shërbimeve Funerale të Bashkisë, ushtrim ndikimi të paligjshëm ndaj personave që ushtrojnë funksione publike” dhe korrupsion pasiv”, kërkohet dënim me 2 vite burgim (1.4 me gjykim të shkurtuar).
Ndërkohë, Latif Shehu, me detyrë përgjegjës Sektori i Varrezave Tufinë në Agjensisë e Shërbimeve Funerale akuzuar për shpërdorim detyre dhe korrupsion pasiv, kërkohet dënim me 2 vite burgim (1.4 me gjykim të shkurtuar).
Për Fatjon Gjonaj, i akuzuar për ndërtim i paligjshëm (po ndërtonte varr), kërkohet dënim me 6 muaj burg për shkak të gjykimit të shkurtuar 4 muaj burgim dhe pezullimin e dënimit dhe vënien ne provë për një periudhe prej 8 muajsh.
