Ish-partnerja e Kristit është përfshirë ditët e fundit në një trinom dashurie i krijuar së fundmi në shtëpinë e Big Brother.
Ka qenë pikërisht afërsia e Kristit me Keisin, atë çfarë ka sjellë edhe reagimin e modeles së huaj, Zaza, e cila prej disa muajsh është në një lidhje me banorin e Big Brother Vip. Ditën e sotme, Zaza është treguar edhe me e ashpër, teksa e ka quajtur ish-partnerin e saj gjarpër.
“Ushqeje një gjarpër. Dashuroje një gjarpër. Respektoje një gjarpër. Lutu për një gjarpër. Nuk ka rëndësi…ai sërish do të kafshojë,” shkroi Zaza në Instagram, postim i cili u fshi më pas.
Përgjatë këtyre dy muajve, partnerja e tij kishte qëndruar në heshtje, por duket se me situatën e krijuar brenda në shtëpi mes Kristit dhe Keisit, Zaza ka thyer heshtjen. Vetëm pak ditë më parë, ajo u shpreh e tronditur nga raporti që po lindte brenda shtëpisë.
“Nuk mund të them me fjalë se sa e prekur jam nga kaq shumë njerëz që më kontaktuan dhe më ngushëlluan. Mesazhet e mia janë të tejmbushura dhe do të doja t’i përgjigjem secilit prej jush, por nuk kam forcën për ta përballuar tani gjithë këtë. Shpresoj që të gjithë të qëndroni të bekuar dhe shpresoj që Zoti t’ju japë të gjithëve dyfishin e dashurisë që njerëzit po më japin tani. Më lehtëson vërtet të di se njerëzit që as nuk më njohin, e shohin të vërtetën dhe e vlerësojnë moralin! Nuk jam mirë dhe do të më duhet pak kohë që të shërohem dhe të kuptoj disa gjëra që po më ndodhin para syve.
Unë vij nga një familje e dashur, e kujdesshme dhe e arsimuar që më ka mësuar se vlerat në jetë janë brenda së vërtetës, moralit dhe aftësisë për të qëndruar etik, edhe kur gjërat bëhen të vështira.Nuk do të komentoj më tej për këtë, pasi besoj se kjo gjë është kuptuar nga të gjithë. Që nga fillimi i njerëzimit, e vërteta gjithmonë ka mbrojtur të drejtët. Falenderoj secilin prej jush nga thellësia e zemrës sime!”- shkruajti ajo.
