Nuk ka munguar aspak tensioni në sfidën e Superligës greke, midis dy rivalëve historikë nga kryeqyteti helen, Olimpiakos dhe Panathinaikos.
Aq shumë janë nxehur gjakrat pas një anullimi të golit të avantazhit të shënuar nga shqiptari Mario Vrushaj për bardhekuqtë nga Pireu, saqë vetë Presidenti kontravers i Olympiakos, Vangelis Marinakis ka zbritur në fushë dhe ka protestuar te arbitri.
Në sfidën që u luajt në stadiumin “Georgious Karaiskakis”, Olimpiakos hapi rezultatin vetëm në minutën e 89- të falë golit të Vrushajt, por pas thirrjes nga zyra e VAR-it, arbitri Pinheiro anulloi golin për “bardhëekuqtë” për pozicion jashtë loje.
Pinheiro ka shkuar vetë dhe ka ekzaminuar episodin në monitor dhe ka vendosur të anulojë golin, si pasojë e të cilit stoli bardhekuq u ngrit dhe protestoi ashpër.
Sakaq, Marinakis ka zbritur në fushën e lojës dhe i ka shprehur acarimin arbitrit portugez për vendimin e tij për të mos llogaritur golin e Vrushait dhe është parë tepër i tensionuar.
Ndërkohë, Olimpiakos ka lëshuar një deklaratë menjëherë pas përfundimit të derbit me Panathinaikos. Skuadra e Pireut flet për “vendime kirurgjikale” që synojnë të godasin padrejtësisht Olimpiakos dhe të favorizojnë rivalët e tij.
Njoftimi:
Falenderojmë tifozët e OLYMPIACOS për mënyrën se si reaguan ndaj një tjetër ndryshimi flagrant të një ndeshjeje të OLYMPIACOS dhe kampionatit në tërësi dhe mbrojtën ekipin.
Ne reaguam me neveri ndaj asaj që pamë të ndodhte edhe një herë.
Gjyqtarë në fushë dhe në VAR që kontrollojnë me operacion fazat për t’i bërë padrejtësi OLYMPIACO-s dhe favorizuar kundërshtarët e saj! Kësaj radhe zbuluan offside, faull që nuk ekzistonin, kartona që u dhanë… Herën tjetër do të gjejnë diçka tjetër!
Tani e gjithë Greqia e di se çfarë ka ndodhur. Ne do të vazhdojmë me një buzëqeshje të hidhur të japim gjithçka deri në ndeshjen e fundit, lojtarët tanë, fansat tanë, të gjithë së bashku NJË GRUSHT! Ne jemi SHOQATA E PHILATHLONIT OLIMPIK E Pireut dhe kemi lindur FITUES.
Ky kampionat është një nga kampionatet më të korruptuara dhe më të shthurura të të gjitha kohërave dhe të gjithë e dinë, përveç ndoshta qeverisë greke.
