Policia e kryeqytetit është alarmuar, pasi dy persona janë raportuar të zhdukur në 24 orët e fundit.
Bëhet me dije se një 84-vjeçare ka denoncuar zhdukjen e bashkëshortit të saj.
“Në Komisariatin e Policisë Nr. 2 është paraqitur shtetasja F. Xh., 84 vjeçe, e cila ka kallëzuar se është larguar nga banesa bashkëshorti i saj, shtetasi B. Xh., 87 vjeç. Punohet për gjetjen e tij”, thuhet në njoftim.
Po ashtu një 32-vjeçar ka denoncuar zhdukjen e vëllait të tij nga banesa.
“Në Komisariatin e Policisë Nr. 4 është paraqitur shtetasi M. L., 32 vjeç, i cili ka kallëzuar se është larguar nga banesa vëllai i tij, shtetasi A. L., 40 vjeç. Punohet për gjetjen e tij”, bëjnë me dije uniformat blu.
Materialet i kaluan Prokurorisë, për veprime të mëtejshme procedurale.
