Parlamenti brenda dhe jashtë tj nuk po gjen qetësi. Është protestuar në 3 seancat e fundit si nga deputet të opozitës dhe nga qytetarë.
Nënkryetari i Partisë së Lirisë, Petrit Vasili në një intervistë për Ora News tha se Rama “është kthyer në korruptues ordiner dhe njëherazi duke refuzuar parlamentin shqiptarët kanë përballë një kryeministër të vetëshkarkuar”.
“Nuk mund të gjendet një precedent i kësaj që ndodh në parlamentin e Shqipërisë. Nuk ka ndodhur kurrë të refuzohet llogaridhënia në parlament nga kryeministri. Edi Rama kërkon të mos japë llogari. Pas skandalit që nuk shuhet dot, që e ka dëshpruar Ramën pozicioni i tij është i vdekur nga pikëpamja shtetërore dhe kushtetuese. Është kthyer në korruptues ordiner dhe njëherazi duke refuzuar parlamentin shqiptarët kanë përballë një kryeministër të vetëshkarkuar”, tha Vasili.
