Sfida e caktuar nga Vëllai i Madh që banorët të ndaheshin në dy grupe dhe të qëndronin të lidhur me njëri-tjetrin, shkaktoi “krisje” mes çiftit Luiz-Kiara.
Kiarës i mbeti hatri me Luizin, pasi ai e shkëputi litarin qëllimisht për të rrezikuar lojën e saj.
Luizi i tha Kiarës që ai ka nevojë të kuptojë, nëse publiku dëshiron që ata të dy të qëndrojnë ende në shtëpi, apo nëse duan që njëri prej tyre të dalë jashtë. Për këtë, ai vendosi të bëjë një “test” duke shkëputur litarin.
Luizi i tha Kiarës se ajo po qëndron si “pulë”. Kiara u mërzit nga ky koment dhe tha se ajo do qëndrojë si t’i dojë qejfi i saj. Kjo e fundit tha se Luizi po rrezikon lojën e saj, duke hequr rripin.
Luizi u shpreh se Kiara nuk “zë” mend dhe në “Prime” e kupton lojën e tij dhe më pas kërkon falje.
BISEDA
Kiara: Heq rripin për të më vënë dhe mua në rrezik dhe më thua dua të shikoj a na do publiku bashkë. A je në terezi apo jo? Pse shprehesh kështu?
Luizi: Vjen prime pastaj dhe thua e kuptova, nuk flas më.
Kiara: O Luiz përderisa ma bën këtë bisedë më vjen keq që e thua kështu. Mund edhe të mos dal nuk ka lidhje, por thjesht kur e thua që e kalove këtë, ta kalojmë dhe një tjetër, është e shëmtuar. Tingëllon keq.
Luizi: Ça thashë?
Kiara: The e kaluam Bledin, do shohim a do e kalojmë këtë herë.
Luizi: Jo
Kiara: Si jo? Mos ma hidh mua sy për sy se nuk jam banorët e tjerë unë
Luizi: Po pse flet kështu?
Kiara: Pse flas kështu? Se jam e mërzitur. U mërzita nga ajo që dëgjova. Nuk e kam problem unë të dal të dal nesër, të dal pasnesër nga këtu, ama ta dëgjoj nga goja jote që thua “nuk ka problem ta rrezikoj për të parë a na do publiku” tingëllon keq. Këtë po them.
